السلام عليكم ورحمة الله وبركاته
في الحقيقه لا اعرف القصه هذه بالضبط لكن احاول ااقول لكم اللي اعرفه
فتات كويتيه في عمر الزهور كان ابوها غني وكانت تعيش حياه سعيده مع ابوها وعائلتهم لكن00000
ابوها توفى واخوانها كانوا صغار طبعا هنا تروح جميع املاك الاب لاخيه لانه هو ولي امرها بعد ابوها لان اخوانها صغار
العم صار يعذب بنت اخوه يعني {اكل زي الناس مافيه لبس زي الخلايق مافيه فلوس مافيه} وفوق هذا كله زوجها شايب عمره فوق السبعين
البنت هذي كتبت ابيات شعر وغناها {بدر الغريب} و{فهد بن عبدالمحسن} وكلماتها تقول:
آه وا ويلاه من عم ظلوم **** بعد ما ابوي رقد تحت التراب
القمر لا غاب ما تفيد النجوم **** وعسى بيت عقب عمره خراب
كيف ابهجع واهتني في حل نوم **** وامسح دموع مثل طش السحاب
بعد ما حكمي على اسرتنا عموم **** صرت انا بعيونهم مثل الذباب
ارتدي للمدرسه برد الهدوم **** بنت عمي ترتدي اغلى الثياب
وان طلبته حاجة فيها لزوم **** صد عني دون يعطيني جواب
طال همي واغتيابي واللجوم **** آه يا دنيا التعاسه والعذاب
مرحبا يا قبر في كف الرحوب **** وعسى يجزاه ربي بالثواب
ليت من قبره ولو ساعه يقوم **** يشهد اللي صابني بعز الشباب
فوق ما عندي من احزان وهموم **** جوزوني شايب غدر الثياب
الدقيقه كنها تسعين يوم **** ليت من يرقد معاه تحت التراب
هذي كلمات القصيده وهي حقيقه كلمات في قمه الروعه والجمالوايضا حزينه والبنت صاغت الكلمات بطريقه جميله جدا
هذا اللي عندي واسف اذا كنت طولت عليكم
موضوع: قصة فتاة كويته محزنه 
الأحد يوليو 13, 2008 3:24 pm
